ගෝලීය G.A.P. සහතිකය ලොව පුරා කෘෂිකාර්මික නිෂ්පාදන සහතික කිරීම සඳහා ස්වේච්ඡා ප්‍රමිතීන් වර්ධනය කර ස්ථාපිත කරන පුද්ගලික අංශයේ සංවිධානයක් මගින් නිකුත් කරනු ලැබේ.. ඔවුන්ගේ මෙහෙවර වන්නේ කෘෂිකාර්මික කටයුතු සදහා ප්‍රමිති මාලාවක් ස්ථාපිත කිරීමයි. ඒවානම්.
- යහපත් කෘෂිකාර්මික පිළිවෙත් සඳහා පහසුකම් සැපයීම.
- ගොවිතැන් කටයුතුවලින් පරිසරයට සිදුවන අහිතකර බලපෑම් අවම කිරීම.
- රසායනික භාවිතය අවම කිරීමට අරමුණු කර ගැනීම.
- කෘෂිකාර්මික කම්කරුවන්ගේ මෙන්ම සතුන්ගේද ආරක්ෂාව සහතික කිරීම.
- ක්ෂුද්‍රජීවී ජීවීන් විසින් ආහාර දූෂණය වීමේ අවදානම අවම කිරීම සඳහා එළවළු සහ පලතුරු නිෂ්පාදනය කිරීම, ඇසුරුම් කිරීම, හැසිරවීම සහ හැකි තරම් ආරක්ෂිතව ගබඩා කිරීම සහතික කිරීම.
යහපත් කෘෂිකාර්මික භාවිතයන් යනු ආරක්ෂිත, සෞඛ්‍ය සම්පන්න පලතුරු සහ එළවළු නිෂ්පාදනය සඳහා අවශ්‍ය මූලික පාරිසරික හා මෙහෙයුම් තත්වයන් ය. ඒවා ගොවීන් විසින් ඔවුන්ගේ ගොවිපල නිෂ්පාදනවල ක්ෂුද්‍රජීවී දූෂණය වීමේ අවදානම අවම කිරීම සඳහා ගනු ලබන ක්‍රියාමාර්ග වේ.
යහපත් කෘෂිකාර්මික පිළිවෙත් මොනවාද?
- දන්නා රෝග තත්වයේ සතුන් පමණක් මිලට ගැනීම සහ ගොවිපොළට ඔවුන් පාලනය කර හඳුන්වා දීම. මෙමගින් නොදන්නා රෝග කාරක විෂබිජයන් ගොවිපලට ඇතුළුවීම වළක්වාලයි.
- ගොවිපල තුළ සහ ඉන් පිටත සතුන් ප්‍රවාහනය කිරීමේදී රෝග වැළදීමට ඉඩ නොදෙන බවට වග බලා ගැනීම.
- රසායන ද්‍රව්‍ය අදාල විෂය ප්‍රවිනයකුගේ උපදෙස් පරිදි භාවිතා කිරීම.
- සතුන්ට ප්‍රතිකාර කිරීමේදී පශු වෛද්‍යවරුන් විසින් නියම කරන ලද ඖෂධ පමණක් භාවිතා කිරීම.
- සතුන්ගේ පෝෂණ අවශ්‍යතා සපුරාලීම සහතික කිරීම.
- භාවිතා කරන ජලය හොඳ ආරක්ෂිත ප්‍රභවයකින් බව සහතික කිරීම.
- අපද්‍රව්‍ය නිසි ලෙස බැහැර කිරීම සහතික කිරීම.
- ඇසුරුම් සහ ශීතකරණ හොඳින් නඩත්තු කර ඇති බවත්, දූෂණය විය හැකි අවස්ථාවක් නොවන බවත් සහතික කිරීම.
GAP සහතික කිරීම පියවර 5 න්
1. GLOBAL G.A.P. වෙබ් අඩවියෙන් ඔබගේ ගොවිපල හෝ නිෂ්පාදනය සඳහා වලංගු වන සම්මත ලේඛන සහ පිරික්සුම් ලැයිස්තු බාගත කරගත හැක. මේ සදහා එක් එක් ක්ෂේත්‍රය සදහා එක් එක් ප්‍රමිතීන් තිබුනද ඉහත සදහන් මුලික ප්‍රමිතීන් බොහෝ විට සැම ක්ෂේත්‍රයකටම පොදු වේ.
2. ශ්‍රී ලංකාවේ GAP සහතික කිරීමේ සංවිධාන කිහිපයක් ඇත. ඔබට GLOBAL G.A.P වෙබ් අඩවිය මගින් සම්පූර්ණ ලැයිස්තුවක් සොයාගත හැකිය. ශ්‍රී ලංකාවේ ඒ සදහා අනුමත ප්‍රධාන ආයතන 2ක් ඇත.
- Control Union Certifications B.V. (Sri Lanka)
- SGS Lanka (Pvt) Ltd.
ඉන් ඔබ වඩාත් කැමති එකක් තෝරන්න. පසුව ඔබ එම සමාගමේ ලියාපදිංචි වන්න, ඔබට GLOBAL G.A.P. අංකයක් ලැබෙනු ඇත (GGN).
3. ඉහත ඔබ ලබාගත් පිරික්සුම් ලැයිස්තුව හෝ ඔබගේ ආයතනය විසින් ඔබට ලබා දුන් ලැයිස්තුව භාවිතා කර ඔබ විසින්ම ස්වයං තක්සේරුවක් කර ඔබ අනුකූල නොවන සියලු ප්‍රමිතීන් නිවැරදි කරන්න. ඔබ විසින් තනිවම තක්සේරුව කිරීම අපහසුනම් ඒ සදහා ඔබටපහත සදහන් ආයතනවල හෝ ප්‍රවිනයෙකුගේ උපදෙස් ලබා ගත හැක. ඔබ තෝරාගත් ආයතනය ඔබට ඒ සදහා උදවු කරනු ඇත.
- කෘෂිකර්ම දෙපාර්තමේන්තුව - ව්‍යාප්ති හා පුහුණු අංශය - පේරාදෙණිය.
- ශ්‍රී ලංකා ප්‍රමිති කාර්යාංශය
4. සියලු ප්‍රමිතීන් නිමවූ පසු ඔබ ඉහත තෝරාගත් අයනතනය වෙත දැනුම් දී ඔවුන්ගේ පරීක්ෂණයට දින වෙන කරව ගන්න. එවිට ඔබ තෝරාගත් අනුමත සහතික කිරීමේ ආයතනය, සහ පරීක්ෂකයන් විසින් පළමුව ස්ථානයේ පරීක්ෂාව සිදු කරනු ඇත.
5. ඔබ සියලු ප්‍රමිතීන් සපුරා තිබේනම්, ඔබ සියලු සම්මත අවශ්‍යතා වලට අනුකූල වනවා නම්, ඔබට GLOBAL G.A.P. වසරක් සඳහා වලංගු සහතිකය ලැබෙනු ඇත.
No comments:
Post a Comment